القائمة الرئيسية

الصفحات

بالفيديو / سمير الوافي يهاجم كادوريم :"موش لازم كل ما تعطي كردونة تعمل فيلم.. تزغريدك أكثر مالكسكسي"


 إثر زيارة كادوريم للمستشفى الجهوي بباجة وتقديمه لأجهزة أكسجين وآلات طبية ، نشر الإعلامي لسمير الوافي تدوينة يهاجمه فيها ويطالبه بالتزام الصمت حيث قال : يا سيد کادوريم عاون بلادك وناسك من غير مهرجان وبروباغندا وحملة وكاميرا وراك وطيارة خاصة وتابي روج ... يرحم والديك ... 



من غير ما تحاول تحسسنا أنك إنت الوحيد اللي عاونت ... فمة شكون عاونو أكثر منك من غير دعاية الأشخاصهم ... - فمة طبيب تونسي كبير في سويسرا جاب بمليار تجهيزات ومساعدات ... سمعنا بفعلو من غير ما نحفظو إسمو والا نشوفو وجهو ..


 - وفمة رجل أعمال في سوسة عطى لسبيطار واحد نصف مليار من غير ما يقول حتى ربع كلمة ... فعلو حكي عليه ... - وفي زغوان مثلا ... فمة شكون عمل وحدة كوفيد ب 300 مليون وما حبش حتى يتصور وإلا ينشرو إسمو ... ! .. .. ..




.. - وفمة برشة توانسة في الداخل والخارج يعاونو في السبيطارات كل يوم ... وأنفقوا مليارات على أقسام كوفيد ... وفمة زادة جمعيات صارفة مليارات من غير شخصنة فجة ومبتذلة ... وعملو مستشفيات ميدانية مجهزة كاملة ... وفمة اللي عاونوا من غير لا نسمعو بيهم لا نشوفوهم وكان موش هوما راك ما خلطش على البلاد صامدة وتقاوم لتوة بعد عجز الدولة ... !!!


 يعني ماكش باش تعلم الوطنية للتوانسة ... والخير لقلوبهم الكبيرة ... والا تزاید عليهم في الوطنية ... وما عطيتش أكثر منهم ... عاون برقي وترفع وصمت نبيل ... وانت كل مرة حتك سابقك وزغاريدك أكثر م الكسكسي ... وإخراج سينمائي لكل كردونة تمدها ... وتلافز وكومينيكاسيون ودعاية صاخبة ... يا أخي شكر الله سعيكم ... لكن لا تحول العمل الخيري إلى دعاية لشخصك ... وكأنك الوحيد والفريد الذي يساعد ويتبرع ... ولا أحد ينافسك في الوطنية ... وكل دينار تدفعو تعمل عليه كليب ... !!! ..